Արդյոք վտանգավոր է ռենտգեն հետազոտությունը

Կարծիք կա, որ ռադիացիոն ժ սարքերը վտանգավոր են առողջության համար։ Եվ ոմանք սկսում են կասկածներ ունենալ միկրոալիքային վառարան օգտագործելու անվտանգության և ռենտգեն հետազոտության անհրաժեշտության վերաբերյալ: Երբեմն դա հասնում է վտանգավոր իրավիճակների, երբ, օրինակ, հղի կանայք, նույնիսկ կոտրվածքով կամ կասկածելի սինուսիտով, հրաժարվում են ռենտգեն հետազոտությունից՝ վախենալով երեխայի առողջության համարշ։

Արդյո՞ք ճառագայթումն այդքան վտանգավոր է, և պետք է խուսափել ռենտգեն հետազոտություններից: Եկեք պարզենք դա միասին:

Ռենտգեն պրոցեդուրայի համար մարդը միջինում ստանում է մոտ 0,11 mSv, ֆտորոգրաֆիայի ժամանակ՝ 0,08 mSv։ Այժմ գտագործվող ժամանակակից սարքավորումների շնորհիվ այս դոզան կարող է կրճատվել մինչև 0,04 mSv: Մարմնի աշխատանքի մեջ խանգարումներ առաջացնելու համար անհրաժեշտ է 1000 անգամ ավելի մեծ չափաբաժիններ, քան այս պրոցեդուրաների ժամանակ։ Դուք կարող եք միանգամայն ապահով կերպով կատարել տարեկան 10 ռենտգեն հետազոտություն կամ 20 ֆտորոգրաֆիա՝ համաձայն սանիտարական կանոնների և կանոնակարգերի։ Ուստի մի վախեցեք ձեր բժշկի դեղատոմսերից։

Հղիության ընթացքում արժե կրճատել ռադիոգրաֆիկ հետազոտությունները, իսկ կոտրվածքների կամ կասկածելի սինուսիտի, թոքաբորբի և այլնի դեպքում հետևեք ձեր բժշկի ցուցումներին: Կրծքով կերակրող կանայք ռենտգեն ախտորոշումից հետո կրծքով կերակրման դադարեցման կարիք չունեն, քանի որ իոնացնող ճառագայթման աղբյուրներից վտանգ չկա: