Իտալիան կարող է 5-6 միլիարդ խորանարդ մետր գազի պակաս ունենալ 2023-2024 թվականների ձմռանը՝ առանց վերագազիֆիկացման նոր տերմինալի, հայտարարել է Eni էներգետիկ ընկերության գործադիր տնօրեն Կլաուդիո Դեսկալցին. հայտնում է Reuters-ը։
Իտալիան պլանավորում է հեղուկացված բնական գազի լողացող տերմինալ կառուցել Տոսկանայի Պիոմբինո քաղաքում՝ հիմնված պահեստավորման եւ վերագազիֆիկացման լողացող սարքի միավորի (FSRU) վրա, որը շահագործման պետք է հանձնվի մինչեւ հաջորդ տարվա մարտի վերջը՝ մատակարարումները ավելացնելու համար, որպեսզի լրացնի ռուսական ներմուծման պակասը։
Ենթակառուցվածքը, որը կառավարում է գազային Snam ցանցի օպերատորը, պետք է կանաչ լույս ստանա մինչեւ հոկտեմբերի վերջը՝ 2023 թվականի սկզբին երկրի ՀԲԳ հզորությունը մեծացնելու համար։
«Մեզ շատ պետք է նոր ՀԲԳ տերմինալ»,- ասել է Դեկալցին: «2023-2024 թվականների ձմռանը մեզ կարող է չբավականացնել 5-6 միլիարդ խորանարդ մետրը»։
Նա հավելել է, որ Ալժիրից գազի ներկրումը կենսական նշանակություն ունի Իտալիայի համար, քանի որ այն փոխարինում է Ռուսաստանից մատակարարումները։ Նրա խոսքով՝ Ալժիրից գազի ներկրումը հաջորդ տարի կբավարարի Իտալիայի կարիքների 38 տոկոսը՝ ուկրաինական ճգնաժամից առաջ 12 տոկոսի համեմատ։