Թրամփն առաջարկում է վերադառնալ նորմալ իրավիճակին, Անթալիայի դիվանագիտական ֆորումի շրջանակում հայտարարել է ՌԴ ԱԳՆ ղեկավար Սերգեյ Լավրովը։
«Մենք քննարկել ենք երկկողմ հարաբերությունները, նաև հակամարտությունը դադարեցնելու և Օբամայի վարչակազմի կողմից գողացված ռուսական դիվանագիտական գույքը վերադարձնելու պայմանները», - ասել է ՌԴ ԱԳ նախարարը։
Նա նշել է, որ ԱՄՆ նախագահը շատ ավելի լավ է հասկանում ուկրաինական հակամարտության էությունը, քան ցանկացած եվրոպացի առաջնորդ։
Լավրովի խոսքով՝ Թրամփը հասկանում է, որ ուկրաինական հակամարտությունը կարող է լուծվել միայն դրա հիմնական պատճառների վերացման միջոցով։
«Խնդիրը լուծելու և կայուն խաղաղության հասնելու միակ ճանապարհը արմատական պատճառների վերացումն է: Նախագահ Թրամփը դարձել է առաջին և մինչ այժմ, կարծում եմ, գրեթե միակ արևմտյան առաջնորդը, ով բազմիցս ասել է, որ Ուկրաինային ՆԱՏՕ բրդելը սխալ էր: Եվ սա այն հիմնական պատճառներից մեկն է, որը մենք բազմիցս մատնանշել ենք»,- ասել է նա՝ ելույթ ունենալով Անթալիայի դիվանագիտական ֆորումում։
Ինչպես նշել է նախարարը, ԱՄՆ-ը նույնպես հասկանում է տարածքային խնդիրների լուծման անհրաժեշտությունն ուկրաինական կարգավորման համատեքստում։
«Մենք կատարել ենք մեր խոստումը՝ դադարեցնել էներգետիկ ենթակառուցվածքների թիրախավորումը, սակայն Ուկրաինան շարունակում է իր հարձակումները գրեթե ամեն օր»,- ընդգծել է Լավրովը։
Ռուսաստանը Թուրքիային է ներկայացրել էներգետիկ օբյեկտների վրա ուկրաինական հարձակումների ցուցակը։