Երեկ Արցախում վիրավորում ստացած զինծառայողների մի մասը տեղափոխվել է Երևան։ Այս մասին հայտնել է առողջապահության նախարարի մամուլի խոսնակ Հռիփսիմե Խաչատրյանը. փոխանցում է 24News-ը:
Առավոտյան Արցախի ՊԲ-ի տարածած մամուլի հաղորդագրության համաձայն՝ վիրավորում ստացած 19 զինծառայողներից 4-ի վիճակը գնահատվում է ծանր, որոնցից մեկինը՝ ծայրահեղ ծանր: Մյուս վիրավորների վիճակը բավարար է:
Հռիփսիմե Խաչատրյանն ասաց, որ վիրավորում ստացած զինծառայողները տեղափոխվել են «Մուրացան» զինվորական հոսպիտալ։