Գալուստ Գրիգորյանի՝ 2 մլրդ դրամը գերազանցող գույքը կփոխանցվի պետությանը

Կառավարությունն իր այսօրվա նիստում գույք ամրացնելու մասին որոշում է ընդունել:

Հիմնավորման մեջ նշված է, որ ՀՀ ՏԿԵՆ պետական գույքի կառավարման կոմիտե է դիմել ՀՀ գլխավոր դատախազությունը՝ տեղեկացնելով, որ ապօրինի ծագում ունեցող գույքի բռնագանձման վարույթի շրջանակներում հաշտության համաձայնություն է կայացել, ըստ որի ՀՀ սեփականությանն է փոխանցվել Գալուստ Լուկաշի Գրիգորյանի Երևանի Ավան Աճառյան փողոց 39/6 հասցեում գտնվող 80․98 քմ մակերեսով պարիսպը և դրա օգտագործման ու սպասարկման համար հատկացված 1.601295 հողամասը:

Գույքի նկատմամբ արդեն իսկ գրանցվել է ՀՀ սեփականության իրավունքը: Ներկայացված նախագծով առաջարկվում է հողամասն ամրացնել ՀՀ ՏԿԵՆ պետական գույքի կառավարման կոմիտեին:

Ապօրինի գույքի գործով հաշտություն է կնքվել. Գալուստ Գրիգորյանի՝ 2 մլրդ դրամը գերազանցող գույքը կփոխանցվի ՀՀ-ին։