Գեներալ-գնդապետ Օնիկ Գասպարյանը հանդես է եկել ծավալուն հայտարարությամբ, որով, ըստ էության, հերքում էր Քննիչ հանձնաժողովում Նիկոլ Փաշինյանի արած պնդումները:
Մի ուշագրավ հայտարարություն էլ ՊՆ նախկին նախարար Սեյրան Օհանյանն է արել:

«Իմ ղեկավարման ժամանակ չի եղել որևէ զինատեսակ, որի կիրառության համար ուրիշից թույլտվություն վերցնենք, սա վերաբերում է նաև ռազմավարական նշանակության ունեցող «Իսկանդեր»-ին», - ասել է նա:

Ընդդիմադիր «Հայաստան» խմբակցության ղեկավարն ասել է, թե չգիտի՝ Փաշինյանը ինչեր է հնարում, բայց «Իսկանդեր»-ի գնման օրվանից այդ զինատեսակի համար պատասխանատվություն է կրել Հայաստանի Հանրապետությունը։

Այ, այսպիսի փորձանք է պոպուլիզմը: 

Փաշինյանի PR-ը կազմակերպելու ու նրա ճակատից պատերազմի պարտության խարանը մաքրելու համար Քննիչ հանձնաժողովի օնլայն, բաց նիստ անցկացրեցին, հիմա էլ վարչապետին հակադարձողները ստիպված են պաշտպանվել՝ զգայուն տեղեկատվություն ներկայացնելով հանրությանը (եթե Փաշինյանը փորձում է ամեն ինչի մեղավոր «նշանակել» բանակին, նախկին բարձրաստիճան պաշտոնյաները պետք է ինքնապաշտպանվեն): Ու այսպես, մեր ազգային անվտանգության հարցերը «փռել» ենք ի տես աշխարհի, որովհետև ամբողջ իշխանական վերնախավը զբաղված է Փաշինյանի «արդարացմամբ»՝ պետական ինստիտուտները վարկաբեկելու գնով...