Համայնքային ոստիկանության Տաշիրի բաժնի ծառայողները օպերատիվ տեղեկություններ էին ստացել, որ Տաշիր քաղաքի 41-ամյա բնակիչը կանեփից պատրաստված թմրամիջոց է պահում: Նա նոյեմբերի 25-ին ձերբակալվել և տեղափոխվել է բաժին, որտեղ հայտնել է, որ տեղեկությունը հավաստի է:
Նախաձեռնված քրեական վարույթի շրջանակում կատարված զննությամբ 41-ամյա տղամարդու տանը կից անասնագոմում հայտնաբերվել է 3 լիտրանոց ապակե տարա՝ 646 գրամ կանեփ տեսակի թմրամիջոցի զանգվածով:
41-ամյա տղամարդը ձերբակալվել և տեղափոխվել է ձերբակալվածների պահման վայր:
Կատարվում է նախաքննություն:
ՆԳՆ ոստիկանություն