ՆԱՏՕ-ի գլխավոր քարտուղար Մարկ Ռյուտեն շուտով պատրաստվում է հանդիպել ԱՄՆ նորընտիր նախագահ Դոնալդ Թրամփին՝ քննարկելու ուկրաինական պատերազմի կարգավորման բանակցությունների ռազմավարությունը։

Այս մասին նշված է «The Washington Post»-ի լրագրող Դեյվիդ Իգնատիուսի հրապարակման մեջ։

Հղում է արվում անանուն պաշտոնյաների։

Ռյուտեի հանդիպումը Թրամփի հետ տեղի կունենա Մար-ա-Լագոյում տեղակայված կալվածքում։

Գերմանացի մի պաշտոնյա, որի անունը չի նշվում, լրագրողին ասել է, որ Ռյուտեի ուղերձը կլինի այն, որ Թրամփի և Եվրոպայի շահերին կսպասարկի «արդար և երկարատև խաղաղությունը»,:

Զրուցակիցն ասել է, որ Ռյուտեն կփորձի համոզել Թրամփին, որ Ուկրաինայի վերաբերյալ վատ համաձայնագիրը կվնասի իրեն այնքան, որքան կվնասի Եվրոպային։