ԱՄՆ նախագահ Դոնալդ Թրամփի հրամանով ոչնչացվել են USAID-ի՝ 9.7 միլիոն դոլար արժողությամբ հակաբեղմնավորիչ միջոցներ, որոնք նախատեսված են եղել աղքատ երկրներին որպես օգնություն ուղարկելու համար, հաղորդել է «New York Times»-ը՝ հղում անելով USAID-ի ներկայացուցչին։
Ավելի վաղ հաղորդվել էր, որ USAID-ի հակաբեղմնավորիչ միջոցները պահվում են Բելգիայում, սակայն դրանք նախատեսվել էին այրել Ֆրանսիայում։ Խոսքը երկարատև ազդեցության հակաբեղմնավորիչների մասին է, ինչպիսիք են ներարգանդային սարքերը և իմպլանտները, որոնց արժեքը կազմում է 9.7 միլիոն դոլար։
«Ցածր եկամուտ ունեցող երկրների բնակիչների համար նախատեսված միլիոնավոր դոլարների արժողությամբ հակաբեղմնավորիչ դեղահաբերը և այլ հակաբեղմնավորիչ միջոցներ ոչնչացվել են Թրամփի վարչակազմի հրահանգով», - գրել է «New York Times»-ը։
Պետդեպարտամենտի և USAID-ի ներքին փաստաթղթերի և նամակագրության համաձայն՝ մի քանի միջազգային կազմակերպություններ առաջարկել են գնել կամ ընդունել հակաբեղմնավորիչները որպես նվերներ, և ԱՄՆ կառավարությունը որևէ կորուստ չէր կրի կամ նույնիսկ կկարողանար հետ ստանալ հարկատուների գումարը: Սակայն Թրամփի վարչակազմը որոշել է ոչնչացնել արտադրանքը, որի արժեքը գնահատվում էր 167,000 դոլար:
Ինչպես նշել է թերթը, USAID-ին արգելվում է արտադրել աբորտի դեղահաբեր, բայց գործակալության գույքագրման ցուցակների համաձայն՝ Բելգիայի պահեստում պահվող ոչ մի արտադրանք չի եղել: