«Ուժը հայրենյաց» կուսակցության կողմից Երեւանի քաղաքապետի թեկնածու առաջադրվելու ցանկություն հայտնած Նատալյա Արզաքանցյանը (Ռոտենբերգ) հայտարարությամբ է հանդես եկել․

Օգոստոսի 14-ին Սուրբ Աստվածածնի Վերափոխման տոնին  տեղի ունեցավ Սուրմալու տոնավաճառի  պայթյունը  : Ո՞ւմ մեղադրել և ո՞վ է պատասխան տալու սրա համար։ 

Մենք գիտենք, որ մեկ  տարի առաջ այս շենքում հրդեհային անվտանգության խախտումներ են հայտնաբերվել, սեփականատերերը վճարել են տուգանքը, բայց, ցավոք, խնդիրը չի շտկվել: Այս դեպքում հարցն այլ է  , թե ինչո՞ւ Երևանի քաղաքապետարանը տուգանքը վճարելուց հետո պատշաճ վերահսկողություն չի սահմանել ։ Ես վստահ եմ , որ կան բազմաթիվ շինություններ , որտեղ չեն պահպանվում հրդեհային անվտանգության կանոնները `այդ թվում դպրոցներ եւ մանկապարտեզներ ։Հարկավոր է անհապաղ իրականացնել աուդիտորական աշխատանք։   Նման պատահարների ժամանակ դիտարկվում է նաեւ վարկած ըստ որի, ինչ-որ մեկը, ցանկանում է ստանալ տվյալ  հողատարածքը, բայց սեփականատերերը չեն համաձայնում վաճառել այն և դիմում  են նման  ողբերգական գործողությունների : Մենք իսկապես  չէինք ցանկանա հավատալ այս վարկածին:

Պետք է սպասել համապատասխան փորձաքննության և ապացույցների: Իհարկե բոլորս էլ հասկանում ենք, որ  կանցնեն օրեր , եւ բոլորը կմոռանան  դեպքի  մասին, իսկ այս վայրում գուցե տեսնենք նոր բարձրահարկ շենքեր:
 
Խորապես ցավակցում եմ բոլոր նրանց, ովքեր տուժել են այս աղետից ։  Ոչ մի խոսք հիմա չի սփոփի։ Թող Աստված ամեն բան  իր տեղը դնի ։