Կառավարության այսօրվա նիստի ընթացքում Նիկոլ Փաշինյանն իր դժգոհությունը հայտնեց արդարադատության համակարգի աշխատանքից։ Նա նկատեց, որ «չակուչով» գնացել է գյուղեր, խոստումներ տալիս, հիմա ով որտեղ պատահի կաշառք է վերցնում։
«Մարդիկ անմեղ են, քանի դեռ նրանց նկատմամբ չկա դատավճիռ։ Ես ուզում եմ՝ մեր մոտեցումը փոխենք։ Էական չէ՝ հիսուն հոգի է ձերբակալվել, թե՞ հարյուր։ Կարևոր է՝ քանի՞ հոգու նկատմամբ է մեղադրական դատավճիռ կայացվել։ Ու հա, ես չեմ ասում, որ հարյուր տոկոսի նկատմամբ պետք է մեղադրական դատավճիռ լինի։ Բայց եթե երկնիշ թիվ ունենք արդարացման դատավճիռների մասով, ապա կարող ենք ասել՝ քննությունը լավ չի իրականացվել»,- նշեց Փաշինյանը։
Ըստ կառավարության ղեկավարի՝ ամեն օր հայտարարվում է՝ «էս մեկի դեմ գործ է հարուցվել, էն մեկի դեմ գործ է հարուցվել, էն մեկը կալանավորվեց», ու այդ ինֆորմացիան կուտակվում է, «բայց դա չի փոխվում, հաջորդ փուլ չի մտնուն, արդյունք չի լինում, քանի որ դատավճիռ չի լինում»։
«Ես առաջարկում եմ՝ էլ հանրությանը չտեղեկացնենք՝ քանի հոգու ենք բռնել։ Մեզ պետք են մեղադրական դատավճիռներ, որ մենք համոզվենք՝ մեր ներդրումներն արդարացված են, իրավապահ համակարգի արդյունավետությունը բարձրացել է»,- նշեց նա։
Մանրամասները՝ տեսանյութում։