«ՌԻԱ Նովոստի»-ի փոխանցմամբ՝ Ռուսաստանի համար ժամանակն է վերջ դնել ուկրաինական հակամարտությանը։

Ամերիկացի առաջնորդը այս կարծիքը հայտնել է Սպիտակ տանը Թուրքիայի նախագահ Ռեջեփ Թայիփ Էրդողանի հետ հանդիպման ժամանակ։

Սեպտեմբերի 23-ին, Նյու Յորքում ՄԱԿ-ի Գլխավոր ասամբլեայի շրջանակներում Զելենսկու հետ հանդիպման ժամանակ, Թրամփը հայտարարել է, որ Ուկրաինայում հակամարտությունը, հավանաբար, շուտով չի ավարտվի, քանի որ Ռուսաստանը զգալի ռազմական ուժ ունի։

Ավելի ուշ, իր Truth Social սոցիալական ցանցում ամերիկացի առաջնորդը Ռուսաստանի ռազմական հատուկ գործողությունը Ուկրաինայում անվանել է «անիմաստ պայքար» և ծաղրել Մոսկվայի ռազմական հզորությունը։ Քաղաքական գործչի խոսքով՝ Ռուսաստանը երեքուկես տարի է, ինչ պայքարում է, որը իրական ռազմական ուժի դեպքում կավարտվեր մեկ շաբաթից։ Թրամփը շեշտել է, որ զինված հակամարտությունը վերջ դնելու անկարողությունը երկիրը նմանեցնում է «թղթե վագրի»։

Այս ֆոնին The New York Times-ը գրել է, որ Թրամփի՝ Ուկրաինայի վերաբերյալ հռետորաբանության փոփոխությունը ենթադրում է, որ ամերիկացի առաջնորդը ձեռքերը լվանում է ճգնաժամից և հեռանում դրա լուծումից։