Այսօր Երևանի քաղաքապետարանի գործակարգավարական նիստի ժամանակ քաղաքապետարանի շինբարեկարգման վարչության պետ Խորեն Գրիգորյանը զեկուցեց, որ 2023 թվականի դրությամբ չորրորդ աստիճանի վթարայնության 14 շենք՝ տարբեր վարչական շրջաններում, իսկ երրորդ աստիճանի վթարայնության շենքերի թիվը 107 է։ Ապա նշեց, որ իրենք պատրաստ են հանձնարարականի դեպքում նախագծեր պատվիրել, որ ամրակայեն երրորդ աստիճանի վթարայնության շենքերը։
Տիգրան Ավինյանը, սակայն, նկատեց, որ այդտեղ մեծ հարց է՝ իրենք ուզում են ամրակայե՞լ այդ շենքերը, թե՞ ուզում են նոր թաղամասեր ստեղծել։
«Մենք էս վերջերս քառասունից ավելի բնակարան հանձնեցինք տարբեր վթարային շենքերի բնակիչներին, հիմնականում Արցախի նրբանցքն էր դա։ Հենց ամբողջական տեղափոխումը լինի այդ մարդկանց, մի մասին բնակարանի գնման վկայականներ ենք հանձնել, մի մասին՝ բնակարաններ։ Հենց բոլորը արդեն տեղափոխվեն, ժամկետներ կան հստակ, խնդրում եմ անպայման կազմակերպել էդ շենքերի քանդումը՝ չորրորդ կարգի վթարային շենքերի, որ նորից էդ ցիկլի մեջ չմտնենք, էլի, որ նորից երեք հոգի եկել ապրում ա էդ շենքում։ Եկեք էս մարդկանց խնդիրն էլ լուծենք։ Հետևապես, էս ֆիքսենք, էդ մարդկանց բոլորին տեղափոխենք, տեղափոխելու հաջորդ օրը միանգամից քանդենք բոլոր էդ շենքերը՝ թող գնան պատմության գիրկը»,- ասաց Ավինյանը։
Մանրամասն՝ տեսանյութում