Սա իսկապես շատ մեծ պատասխանատվություն է ոչ միայն Տիգրան Ավինյանի, ոչ միան ՔՊ-ի, այլ նաև բոլոր այն մարդկանց համար, որոնք մասնակցել են Երևանում ավագանու ընտրություններին, արտահայտել են դիրքորոշում։ Այդ մասին այսօր Տիգրան Ավինյանի երդմնակալության ժամանակ ասաց Նիկոլ Փաշինյանը։
Նա նշեց՝ ընտրություններին մասնակցողները մի բանի համար են քվեարկել՝ ունենալ ծաղկող Երևան, ունենալ երջանիկ երևանցի։
«Սա թվում է, թե բարդ, բայց կատարման համար անխուսափելի խնդիր է, և այս խնդիրը լուծելն ամենևին էլ միայն քաղաքապետի գործը չէ, այլ նաև Երևանի ավագանու ամբողջ կազմի։ Ուզում եմ շնորհավորել ավագանու խմբակցություն ձևավորած բոլոր կուսակցություններին։ Նրանց պտղաբեր աշխատանք եմ մաղթում»,- նշեց նա։
Փաշինյանը ևս մեկ անգամ կարծիք հայտնեց, որ այս ընտրությունները ցույց տվեցին, որ ժողովրդավարական էությունը որևէ կերպ չստվերվեց, ինչը շատ կարևոր է։
«Այս ընտրությունները ևս մեկ անգամ ցույց տվեցին մեր անբեկանելի հավատարմությունը թավշյա հեղափոխությանը, որի նպատակն էր ՀՀ քաղաքացուն իշխանությամբ օժտելը»,- շեշտեց Փաշինյանը։
Նա նաև «Հանրապետություն» կուսակցությանը շնորհավորեց, քանի որ այս կուսակցությունը ՔՊ-ի հետ կիսելու է քաղաքային իշխանությունը։
Մանրամասները՝ տեսանյութում։