Այսօր` մայիսի 12-ին, ավտովթար է տեղի ունեցել Արագածոտնի մարզում: Ժամը 15:20-ի սահմաններում Երևանի բնակիչ 34-ամյա Նարեկ Խ.-ն իր վարած  Opel Vectra մակնիշի ավտոմեքենայով Մարգարա Վանաձոր Տաշիր M3 ավտոճանապարհի 81 կմ հատվածում, դուրս է եկել ճանապարհի երթևեկելի գոտուց և մոտ 20 մ գլորվելով գլխիվայր շրջվել ու հայտնվել դաշտում:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Նարեկ Խ.-ն և նրա ուղևոր՝ Երևանի բնակիչ 44-ամյա Արտյոմ Մ.-ն մարմնական վնասվածքներով տեղափոխվել են «Ապարան» բժշկական կենտրոն:

Վիրավորներին առաջինն օգնության են հասել քաղաքացիները և օպերատիվորեն ժամանած «Ապարան» բժշկական կենտրոնի բժիշկների հերթապահ խումբը:

Բժիշկները վիրավորիներին մինչև հիվանդանոց տեղափոխելը տեղում առաջին բուժօգնություն  են ցուցաբերել:

Նախաձեռնվել է վարույթ: