Թբիլիսիում կայացել է Վրաստանի նորընտիր խորհրդարանի նիստը։
«Վրացական երազանք» կուսակցության հիմնադիր և պատվավոր նախագահ Բիձինա Իվանիշվիլին այժմ խորհրդարանի անդամ է։
Նա նստած է առաջին շարքում՝ վարչապետ Կոբախիձեի և երկու անգամ նախկին վարչապետ, այժմ կուսակցության նախագահ Իրակլի Ղարիբաշվիլիի միջև:
Վրաստանի խորհրդարանը ճանաչեց բոլոր 150 պատգամավորների լիազորությունները և բացեց նոր գումարման առաջին նիստը։
«Վրացական երազանքի» 88 պատգամավորներ միաձայն վերահաստատել են Շալվա Պապուաշվիլիին որպես խորհրդարանի խոսնակ։ Նա այդ պաշտոնը զբաղեցնում է 2021 թվականի դեկտեմբերից։
Իսկ իշխող կուսակցության գործադիր քարտուղար Մամուկա Մդինարաձեն կրկին դարձել է խորհրդարանական մեծամասնության ղեկավար եւ «Վրացական երազանք» խմբակցության նախագահը։