Մեծ Բրիտանիայից 29-ամյա Շանթել Բրութոնը տարբեր մաշկի գույներով յուրահատուկ երկվորյակներ է լույս աշխարհ բերել. այդ մասին հայտնում է Daily Record-ը։
Տղան՝ Էիոն անունով, և աղջիկը՝ Ազիրան, ծնվել են 2022 թվականի ապրիլին Նոթինգհեմի քաղաքային հիվանդանոցում։ Կնոջ խոսքով՝ ծնվելուց անմիջապես հետո երեխաները նույն տեսքն են ունեցել, սակայն մի քանի ամիս անց Ազիրայի մաշկը շատ ավելի մուգ է դարձել, քան եղբորը մաշկը։
Ներկայումս երեխաների արտաքինը զգալիորեն տարբերվում է՝ տղան ունի բաց մաշկ և կանաչ աչքեր, իսկ աղջիկը՝ մուգ մաշկ և շագանակագույն աչքեր։
Երկվորյակների մայրը խառը ռասայից է, մորական պապը Նիգերիայից էր։ Երկվորյակների 29-ամյա հոր նախնիները շոտլանդական և ճամայկական ծագում ունեն: Բրութոնն ասում է, որ երեխաները գրավում են մարդկանց ուշադրությունը, երբ ընտանիքը դուրս է գալիս: Նրա խոսքով՝ անցորդներին հաճախ հետաքրքրում են ծնողները:
Էիոնն ու Ազիրան տարբերվում են ոչ միայն արտաքինով, այլև բնավորությամբ։ Ազիրան շատ հանգիստ է, մինչդեռ Էիոնն ավելի էմոցիոնալ է և շատ ավելի մեծ ուշադրություն է պահանջում։ «Ես այնքան ուրախ եմ, որ նրանք այնպիսին են, ինչպիսին կան՝ մեր եզակի փոքրիկ ընտանիքը», - ասում է նա: