Թուրքիան բարձրացրել է զգոնության մակարդակը ծովում` ականների հոսքի սպառնալիքի պատճառով

Թուրքիան բարձրացրել է ականազերծման ստորաբաժանումների և այլ ծառայությունների պատրաստվածության մակարդակը՝ ականների կուտակման շարունակական սպառնալիքի պատճառով. հայտարարել է Թուրքիայի ազգային պաշտպանության նախարար Հուլուսի Աքարը։

«Մեր ական հայտնաբերող նավերը, ինքնաթիռները, ուղղաթիռները, անօդաչու թռչող սարքերը և սակրավոր-սուզանավերը դրվել են բարձր պատրաստվածության: Մենք ուշադիր հետևում ենք իրավիճակին: Երբ ահազանգ է ստացվում, մեր ուժերն անմիջապես արձագանքում են», - նախարարի խոսքերն է մեջբերում NTV-ն:

Նա նաև նշել է, որ «Սև ծովում ականների հետ կապված իրավիճակը չի հանգեցրել Բոսֆորի ծովային երթևեկության հետ կապված դժվարությունների»:

«Յուրաքանչյուր ծանուցում [ականի հայտնաբերման մասին] մանրակրկիտ գնահատվում է։ Ականներ հայտնաբերելուց հետո մենք դրանք տեղափոխում ենք անվտանգ գոտի և վնասազերծում ենք՝ առանց շրջակա միջավայրին վնաս պատճառելու։ Նեղուցում երթևեկությունը շարունակվում է բնականոն հունով, դժվարություններ չկան»,- ասել է Աքարը։

Պաշտպանության նախարարության ղեկավարն ասել է, որ «մինչ օրս Բոսֆորի մոտ ականազերծվել է երեք ական»։

«Դրեյֆ ականների քանակի հետ կապված որոշ թվեր են տրվում, մենք չենք կարող հաստատել, ստույգ տվյալներ չունենք, բայց զգոն ենք լինելու»,- հավելել է նա։

Ապրիլի 6-ին Թուրքիայի ափերի մոտ հայտնաբերվել է երրորդ դրեյֆտային ականը։ Մարտի վերջին երկուսը հայտնաբերվել են Բոսֆորի և Բուլղարիայի հետ ծովային սահմանի մոտ։ Միևնույն ժամանակ Թուրքիայի պաշտպանության նախարարությունը հայտարարել է, որ բարձր պատրաստության վիճակի է բերում ականանետներն ու պարեկային ինքնաթիռները։