Կրունկը հարվածի կլանիչ է քայլելիս կամ կանգնելիս: Մարմնի ուղղահայաց դիրքում հիմնական բեռը ընկնում է դրա վրա։
Ցավի պատճառը կա՛մ կենցաղային վնասվածքն է, կա՛մ լուրջ հիվանդությունը:
Երբ մկանները գերլարված են, ցավ կարող է առաջանալ:
Ջլերի պատռվածքներ և ճաքեր, ոսկորների ճաքեր և կոտրվածքներ, կապտուկներ։
Ջլերի և կապանների բորբոքում
Ոսկրային վարակներ
Օստեոխոնդրոպաթիաներ
Նյարդաբանական հիվանդություններ:
Կրունկի ցավը ոչ միայն կարող է խանգարել առօրյա կենսագործունեությանը, քայլելուն, աշխատելուն, մարզվելուն, այլև չբուժելու դեպքում բարդությունների հանգեցնել, օրինակ՝ աքիլեսյան տենդինիտը չբուժելը կարող է բերել ջլի պատռվածքի՝ առաջացնելով վիրահատական միջամտության անհրաժեշտություն։ Կրունկի հետ կապված խնդիրներն ախտորոշվում են բժշկական զննության, ռենտգեն հետազոտության միջոցով, երբեմն կարող է ՈւՁՀ կամ ՄՌՏ հետազոտության կարիք առաջանալ՝ փափուկ հյուսվածքների խնդիրները հայտնաբերելու համար։
Կրունկի ցավ առաջացնող խնդիրների մեծ մասը բուժվում են ոչ վիրահատական եղանակով, սակայն օրգանիզմին վերականգնվելու համար ժամանակ է հարկավոր։ Թերապիան ուղղված է ցավի թեթևացմանն ու բորբոքման նվազեցմանը, ոտնաթաթի ճկունության բարելավմանն ու կրունկի վրա ծանրաբեռնվածության նվազեցմանը։