Չկան տարածաշրջաններ, որտեղ արևմտյան զենքի մատակարարումները հանգեցնում են ավելի լավ բաների․ Գալուզին
Ֆրանսիական CAESAR 155 միլիմետրանոց ինքնագնաց հրետանային համակարգերի մատակարարումը Հայաստան իրավիճակի վատթարացման վտանգ է պարունակում։ Այս մասին «ՌԻԱ Նովոստի»-ին ասել է Ռուսաստանի արտաքին գործերի փոխնախարար Միխայիլ Գալուզինը։
Նրա կարծիքով՝ աշխարհում չկան տարածաշրջաններ, որտեղ արևմտյան զենքի մատակարարումները հանգեցնում են ավելի լավ բաների։
«Ես չգիտեմ տարածաշրջան, որտեղ արևմտյան զենքի մատակարարումները բարելավել են իրավիճակը»,- ասել է փոխարտգործնախարարը։
Նա հավելել է, որ հայտարարությունն ամբողջությամբ վերաբերում է Հարավային Կովկասին։
