Ճակատ ճակատի բախվել են Hovo բեռնատարն ու VAZ 2107-ը, կան վիրավորներ

Ճակատ ճակատի բախվել են Hovo բեռնատարն ու VAZ 2107-ը, կան վիրավորներ

Այսօր՝ հունվարի 30-ին, խոշոր ավտովթար է տեղի ունեցել Արագածոտնի մարզում։ Ժամը 19։00-ի սահմաններում Երևան-Գումրի ավտոճանապարհի 58 կմ հատվածում ճակատ ճակատի բախվել են Vaz 2107 մակնիշի ավտոմեքենան և Hovo մակնիշի բեռնատարը։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 3 հոգի, որոնց առաջինը օգնության են հասել քաղաքացիները, դուրս են բերվել «07»-ից ու քաղաքացիներն իրենց անձնական օգտագործման ավտոմեքենաներով նրանց տեղափոխել են «Թալին» ԲԿ։

Տեղի բժիշկները վիրավորներին առաջին բուժօգնությունը ցուցաբերելուց հետո շտապօգնության ավտոմեքենաներով տեղափոխել են Գյումրու հիվանդանոց։ 

Վթարի փաստով նախաձեռնվել է վարույթ։ 

Ոստիկանությունն ու քննչական բաժինը պարզում են վարորդների և վիրավորների ինքնությունը։

Օպերատիվորեն ժամանել են նաև Ապահովագրական ընկերությունների ներկայացուցիչները։