Ղրիմի կամրջի վրա ահաբեկչության հետևանքով մահացած ամուսնական զույգը հարազատների հետ ճանապարհորդում էր դեպի ծով․ գրում են ռուսական տելեգրամյան ալիքները։
Միջադեպի ժամանակ ընտանիքի «Hyundai» մակնիշի ավտոմեքենան ջարդուփշուր է եղել. դեպքի վայրից կադրերը արագորեն տարածվել են համացանցում։ 14-ամյա աղջիկը հրաշքով փրկվել է․ նա նստած է եղել հետևի նստատեղին, ամրագոտին ամրացված չի եղել, ինչի պատճառով էլ աղջիկը ողջ մարմնով թռել է դիմապակու մեջ։ Մինչ շտապօգնության մեքենան շարժվում էր դեպի վայր, ականատեսները հանգստացրել են նրան և խնդրել չշարժվել՝ իրեն չվնասելու համար։
«Hyundai»-ի հետևից մեկ այլ մեքենա էր գնում, որի մեջ ընտանիքի կնոջ քույրն էր ամուսնու և երեխայի հետ։ Վթարը տեղի է ունեցել հենց նրանց աչքի առաջ։
Այժմ աղջկան ուղղաթիռով տեղափոխել են մարզային հիվանդանոցի վերակենդանացման բաժանմունք, նրա վիճակը գնահատվում է ծանր։