Եվրախորհրդի նախագահ Շառլ Միշելը հայտարարել է, որ պահպանում է կապը Հայաստանի և Ադրբեջանի առաջնորդներ Նիկոլ Փաշինյանի և Իլհամ Ալիևի հետ։
«ԵՄ դիվանագիտության ղեկավար Ժոզեպ Բորելը ԵՄ հատուկ ներկայացուցիչ Տոյվո Կլաարին խնդրել է այցելել Բաքու և Երևան՝ աշխատելու հետագա էսկալացիայի կանխման ուղղությամբ», - գրել է Twitter-ի իր էջում։
«Հայ-ադրբեջանական սահմանին ռազմական գործողությունների մասին հաղորդագրությունները տագնապալի են։ Անհրաժեշտ է լիարժեք և կայուն հրադադար։ Կայունությանն ու խաղաղությանն այլընտրանք չկա», - հավելել է Շառլ Միշելը։