Սիլվեստր Ստալոնեի կինը՝ Ջենիֆեր Ֆլավինը, ամուսնալուծության դիմում է ներկայացրել 25 տարվա ամուսնությունից հետո. գրում է TMZ պորտալը՝ վկայակոչելով դատական փաստաթղթերը։
Ստալոնեի ամուսնալուծության մասին լուրեր սկսկել էին շրջանառվել անցյալ շաբաթ: Դերասանի երկրպագուները նկատել էին, որ նրա կնոջ դաջվածքն աղավաղվել է՝ փոխարինվելով սիրելի շան կերպարով։ Սակայն այն ժամանակ Ստալոնեի ներկայացուցիչը հերքել էր բաժանման մասին լուրերը՝ ասելով, որ դա դաջվածքը թարմացնելու անհաջող փորձ էր։
Հրատարակության տվյալներով՝ Ֆլավինը ամուսնալուծության հայց է ներկայացրել օգոստոսի 19-ին Ֆլորիդայի Փալմ Բիչ շրջանային դատարանում։ Որոշման պատճառը, ըստ տեղեկությունների, դժգոհությունն է եղել ամուսնու գործողություններից, ով ակտիվները դուրս է բերել ընտանեկան միջոցներից։
Ջենիֆերը ցանկանում է վերականգնել իր օրիորդական ազգանունը և արգելք պահանջել համատեղ ակտիվների հետ կապված գործարքների դեմ:
Ստալոնեն և Ջենիֆեր Ֆլավինն ամուսնացել են 1997 թվականին։ Ունեն երեք դուստր։