Համացանցում տարածվել են կադրեր, որոնցում հավանաբար երևում են հարձակման հետևանքները, և թե ինչպես է սպանվել ՀԱՄԱՍ շարժման քաղաքական բյուրոյի ղեկավար Իսմայիլ Հանիան։
Չորեքշաբթի վաղ առավոտյան Թեհրանում սպանվել էր ՀԱՄԱՍ շարժման քաղաքական բյուրոյի ղեկավար Իսմայիլ Հանիան։
Իսլամական հեղափոխության պահապանների կորպուսը (ԻՀՊԿ) հայտնել է, որ քաղաքական գործիչն ու նրա թիկնապահներից մեկը սպանվել են Թեհրանում իրենց կեցության վայրի վրա հարձակումից հետո: Հանիան սպանվել է Իրանի նոր նախագահ Մասուդ Փեզեշկիանի երդմնակալության արարողությանը մասնակցելուց հետո։
Արաբական լրատվամիջոցները հաղորդել են, որ Հանիան զոհվել է Երևանի ժամանակով մոտ 2:30-ին հրթիռային հարվածի հետևանքով։
Իրանի արտաքին գործերի նախարարության խոսնակ Նասեր Քանանին ցավակցություն է հայտնել Պաղեստինի ժողովրդին Իսմայիլ Հանիայի սպանության կապակցությամբ. «Նրա մահն իզուր չի լինի և կամրապնդի Իսլամական Հանրապետության, Պաղեստինի և դիմադրության ուժերի միջև խորը և անխզելի կապը»։
Տեսանյութն այստեղ