Կառավարության այսօրվա նիստից հետո կառավարության բոլոր անդամները «փախան» ետնամուտքով, ոչ ոք չիջավ այն մուտքով, որի մոտ լրագրողներն են միշտ նրանց սպասում:
Անգամ առողջապահության նախարար Անահիտ Ավանեսյանը, որ մեջներից «դուխովն էր» ու հիմնական չէր խուսափում լրագրողներից, էլի հետևի մուտքով հեռացավ, որ չառնչվի լրագրողների հետ:
MediaHub-ը ֆիքսեց, որ նիստից հետո երկար ժամանակ կառավարությունում էին մնացել ուժային բլոկից գլխավոր դատախազ Աննա Վարդապետյանը, ԱԱԾ տնօրեն Արմեն Աբազյանը, որ համեմատաբար շուտ դուրս եկավ և ՊՎԾ պետ Ռոմանոս Պետրոսյանը, որի օպերատիվ համարներով ամենագնացը անգամ ԱԱԾ տնօրենի հեռանալուց հետո էլի տևական ժամանակ դեռ կայանած էր Մելիք Ադամյան փողոցում:
Նշենք, որ վերջին պաշտոնանկությունների ֆոնին, ինչպես գրել էր MediaHub-ը, Ռոմանոսին մտադիր են տեղափոխել ՊԵԿ` Ռուստամ Բադասյանի փոխարեն: Հնարավոր է` հենց այս հարցերն էին քննարկում նիստից հետո Փաշինյանի հետ:
Վահե Մակարյան