Կտրուկ ոտքի կանգնելուց հետո երկարատև գլխապտույտը վտանգավոր հիվանդությունների ախտանիշ է։ LifeScience-ի հետ զրույցում թերապևտ Սթիվեն Յուրաշեկը պատմել է, թե որ դեպքերում այս խնդրին բախվելիս պետք է դիմել բժշկի։
Բժիշկը նշել է, որ գլխապտույտը տարածված է և հաճախ անհանգստանալու պատճառ չկա։ Այս ռեակցիան, որը բժշկության մեջ հայտնի է որպես օրթոստատիկ հիպոթենզիա, առաջանում է մարմնի դիրքի արագ փոփոխությունների պատճառով։ Այս դեպքում մարդը կարող է մի պահ կորցնել հավասարակշռությունը կամ զգալ աչքերի առաջ մթագնում։
«Այս վիճակն արագ կայունանում է»,- ասել է նա։ Եթե մարդը հիվանդ է կամ ջրազրկված, այս գործընթացը կարող է ավելի երկար տևել: Եթե գլխապտույտը տեւում է ավելի քան երեք րոպե, ապա պետք է դիմել բժշկի։
«Հազվագյուտ դեպքերում արթնանալուց հետո երկարատև գլխապտույտը կարող է նյարդային վնասվածքի նշան լինել»,- ընդգծել է Սթիվեն Յուրաշեկը։ Գլխապտույտ կարող է առաջանալ նաև սրտի ցածր հաճախականության, արյան շաքարի ցածր մակարդակի կամ վահանաձև գեղձի որոշ հիվանդությունների դեպքում:
Ըստ նրա՝ գլխապտույտը կարող է նաև ազդարարել սրտի անբավարարության, վիտամին B12-ի պակասի, Պարկինսոնի և Ալցհեյմերի հիվանդությունների, անեմիայի և աթերոսկլերոզի մասին: