Իտալիայի վարչապետը քննադատել է Լը Պենի դատավճիռը
Իտալիայի վարչապետ Ջորջիա Մելոնին ասել է, որ Ֆրանսիայի աջակողմյան «Ազգային ճակատ» կուսակցության առաջնորդ Մարին Լը Պենի դեմ դատավճիռը միլիոնավոր քաղաքացիների զրկում է իշխանությունում իրենց ընտրված ներկայացուցչից։
«Ես չգիտեմ մանրամասները, ո՛չ ինչի համար են մեղադրում Մարին Լը Պենին, ո՛չ այդպիսի կոշտ որոշման պատճառը, բայց կարծում եմ, որ ոչ ոք, ով գնահատում է ժողովրդավարությունը, չի կարող ուրախանալ մի դատավճռով, որը հարվածում է խոշոր կուսակցության առաջնորդին և զրկում է միլիոնավոր քաղաքացիների իշխանության իրենց ներկայացուցչին», - ասել է Մելոնին Messaggero թերթին։
Փարիզի դատարանը երկուշաբթի օրը դատապարտել էր Մարին Լը Պենին և աջակողմյան «Ազգային ճակատ» կուսակցության մի քանի անդամների՝ Եվրախորհրդարանի միջոցների յուրացման գործով։ Լը Պենին, ինչպես և մյուս մեղավոր ճանաչված պատգամավորներին, դատարանն արգելել է ընտրվել պետական մարմիններում։ Լը Պենի նկատմամբ այս խափանման միջոցն ընտրվել է հինգ տարի ժամկետով՝ պատժի անհապաղ կատարումով։ Նա նաև պետք է երկու տարի մնա տանը էլեկտրոնային ապարանջանով և վճարի 100 հազար եվրո տուգանք: Դատարանը պարտավորեցրել է հենց կուսակցությանը վճարել 1 մլն եվրո։
Դատավճիռն արգելել է Լը Պենին առաջադրվել 2027 թվականին նախագահական ընտրություններում։
