ՔՊ-ականները շարունակում են ԱՄՆ-ում ներկայացնել «խաղաղության խաչմերուկը»
Մայիսի 2-ին Վաշինգտոնում հանդիպել ենք Ներկայացուցիչների պալատի Արտաքին հարաբերությունների հանձնաժողովի Եվրոպայի ենթահանձնաժողովի նախագահ Թոմաս Քինի հետ: Այդ մասին ֆեյսբուքյան իր էջում հայտնում է «ՔՊ» խմբակցության ղեկավար Հայկ Կոնջորյանը․
«Հանդիպել ենք նաև ԱՄՆ սենատորներ Շելդոն Ուայթհաուսին և Ալեքս Պադիլային:
Հանդիպումների ընթացքում ներկայացրել ենք Հայաստան- Ադրբեջան խաղաղության գործընթացը` կարևորելով ԱՄՆ ակտիվ աջակցությունը տարածաշրջանում երկարատև խաղաղության հաստատմանը:
Քննարկվել է Հայաստանի կողմից առաջ քաշված «Խաղաղության խաչմերուկ» նախագիծը, որը կարող է դառնալ տարածաշրջանի խաղաղության և բարգավաճման առանցքային գործոն:
Կարևորվել է ԱՄՆ հետևողական աջակցությունը Հայաստանի ինքնիշխանությանն ու տարածքային ամբողջականությանը:
Քննարկվել են Հայաստանում ժողովրդավարության ամրապնդման ուղղությամբ իրականացվող քայլերը»,- գրել է նա։
