Թերապևտ Ելենա Մալիշևան, իմունոլոգ և ալերգոլոգ Անդրեյ Պրոդեուսը ռուսաստանյան Առաջին ալիքի «Ապրիր առողջ» հաղորդաշարի եթերում հայտարարել էն, որ կարմիր միսը չի կարելի լվանալ կարմիր գինով, քանի որ ըմպելիքը զրոյացնում է մսի բոլոր օգուտները։
Պրոդեուսը նշել է, որ կարմիր միսը երկաթ է պարունակում, որն անհրաժեշտ է իմունային բջիջների աշխատանքի համար։ Մալիշևան հավելել է, որ իմունային բջիջները ոչնչացնում են վարակներն ու քաղցկեղային բջիջները։ «Երկաթը իմունիտետ է»,- ընդգծել է բժիշկը։
Բացի այդ, երկաթն անհրաժեշտ է ամբողջ օրգանիզմում թթվածնի բաշխման համար, ինչը նպաստում է ուղեղի աշխատանքին։ «Երկաթը, երբ օքսիդանում է, թթվածինը տեղափոխում է ուղեղ, բոլոր օրգաններ ու հյուսվածքներ», - բացատրել է Մալիշևան:
Մասնագետները զգուշացրել են, որ խորհուրդ չի տրվում միս խառնել գինու հետ, քանի որ այն պարունակում է պոլիֆենոլներ՝ նյութեր, որոնք կանխում են երկաթի ներթափանցումն օրգանիզմ։ «Օգուտների տեսանկյունից [մսի] օգուտները զրոյացվում են», - եզրափակել է Մալիշևան: