Ռուսաստանի նախագահ Վլադիմիր Պուտինը ծանոթ է ԱՄՆ-ի և Ուկրաինայի առաջնորդներ Դոնալդ Թրամփի և Վլադիմիր Զելենսկու հանդիպման մանրամասներին։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Կրեմլի խոսնակի խոսքով՝ նախագահը գիտի «տեղի ունեցածի էությունը»։
«Ավելին, այն հասանելի էր ողջ համաշխարհային հանրությանը նրբերանգներով։ Ուստի նախագահն, իհարկե, գիտի բոլոր նրբությունները»,- ընդգծել է Պեսկովը՝ նկատի ունենալով օրերս Օվալաձեւ աշխատասենյակում վեճը։
Պեսկովից այլ հայտարարություններ՝
▪️ Հավաքական Արևմուտքը սկսել է քայքայվել, սակայն Ուկրաինայում «պատերազմի կուսակցության» մի խումբ երկրներ շարունակում են ակտիվ մնալ;
▪️ Փետրվարի 12-ի հեռախոսազրույցից հետո Պուտինը և Թրամփը հանրային շփումներ չեն ունեցել;
▪️ Զելենսկու և Թրամփի միջև վեճը ցույց տվեց, թե որքան դժվար կլինի կարգավորել իրավիճակը Ուկրաինայում;
▪️Այժմ օրակարգում չկա Ուկրաինայի համար համաձայնեցված և ինստիտուցիոնալ խաղաղության ծրագիր;
▪️Ռուսաստանի Դաշնությունը, հարաբերություններ հաստատելով ԱՄՆ-ի հետ, պահպանում է Ուկրաինայում Հատուկ ռազմական գործողության նպատակները և շարունակում է գործողությունը;
▪️Թրամփի և Զելենսկու միջև վեճը ևս մեկ անգամ ապացուցում է, որ Պուտինը ճիշտ է ուկրաինական հարցում;
▪️Վաշինգտոնում վիճաբանությունն աննախադեպ իրադարձություն է, որը ցույց տվեց Զելենսկու դիվանագիտական հմտությունների իսպառ բացակայությունը;
▪️Զելենսկու՝ Վաշինգտոն այցի հետևանքը հարթելու համար զգալի ջանքեր կպահանջվեն;
▪️Զելենսկին չի ցանկանում ընդունել իրերի իրական վիճակը;
▪️ Ուկրաինային ուղղված, Լոնդոնում քննարկվող ֆինանսավորման ավելացումը ոչ թե խաղաղության հասնելու, այլ պատերազմը շարունակելու նպատակ ունի;
▪️Եթե Եվրոպան կարողանա խաղաղություն չցանկացող Զելենսկիին համոզել բանակցել, հարգանք և գովաբանություն;
▪️Ստամբուլի համաձայնագրերից հետո գետնի վրա իրավիճակը փոխվել է, միայն կույր մարդը կարող է դա չտեսնել;
▪️Ռուսաստանի Դաշնության սառեցված ակտիվների առգրավման փորձերը անօրինական են և կունենան լուրջ իրավական հետևանքներ;
▪️Ռուսաստանի և Թուրքիայի հարաբերությունները բազմակողմ են և շարունակում են զարգանալ, ընթանում է ինտենսիվ երկխոսություն։