Հայկական արմատներով ամերիկացի աստղ Քորթնի Քարդաշյանը սոցիալական ցանցերում պատմել է, թե ինչու է հայտնվել հիվանդանոցում։
Ինչպես պարզվել է, 44-ամյա աստղին շտապ հոսպիտալացրել են ու վիրահատել։ Բժիշկներին հաջողվել է փրկել նրա դեռևս չծնված երեխայի։
Քորթնին սև-սպիտակ լուսանկար է հրապարակել, որում ամուսինը՝ Թրևիս Բարքերը բռնել է նրա ձեռքը.
«Ես հավերժ երախտապարտ կլինեմ բժիշկներին մեր երեխայի կյանքը փրկելու համար։ Ես երախտապարտ եմ ամուսնուս, ով թողեց շրջագայություններն ինձ հետ լինելու համար: Եվ մայրիկիս՝ այս ամենի ընթացքում ձեռքս բռնելու համար»,- գրել է Քորթնին։
Մոդելը հավելել է, որ սա իր կյանքում առաջին դեպքն է, երբ պետք է վիրահատության ենթարկվի․
«Որպես մեկը, ով նախկինում ունեցել է երեք շատ թեթև հղիություն, ես պատրաստ չէի այն փաստին, որ պետք է շտապ վիրահատության դիմեմ: Հիվանդանոցից երեխայիս հետ ապահով հեռանալն իսկական օրհնություն էր» եզրափակել է աստղը: