Սկսվել է Թուրքիային Ս-400-ների երկրորդ գնդի մատակարարման պայմանագրի իրագործումը

Ս-400 զենիթահրթիռային համակարգի երկրորդ գնդի մատակարարման պայմանագիրը ստորագրվել է և սկսել իրագործվել. հայտնել է ՌԴ Ռազմատեխնիկական համագործակցության դաշնային ծառայության տնօրեն Դմիտրի Շուգաևը:

2021 թվականի օգոստոսի վերջին Թուրքիայի նախագահ Ռեջեփ Թայիփ Էրդողանը հայտարարել էր, որ չի կասկածում Ռուսաստանից Ս-400-ների երկրորդ գնդի գնման հարցում։

Ռուսաստանն ու Թուրքիան 2017 թվականին ստորագրել էին Ս-400 գնդի լրակազմի առաջին պայմանագիրը՝ 2,5 միլիարդ դոլարի չափով՝ մեկ այլ գնդի գնման հնարավորությամբ։ Թուրքական կողմին առաջին գնդի մատակարարումները կատարվել են 2019 թվականի ամռանն ու աշնանը։