Երեկ՝ սեպտեմբերի 14-ին, ողբերգական ավտովթար է տեղի ունեցել Գեղարքունիքի մարզում։ Ժամը 20։30-ի սահմաններում Գեղարքունիքի մարզի բնակիչ 47-ամյա Արթուր Թ․-ն իր վարած «Kia Rio» մակնիշի ավտոմեքենայով Նավուր-Թթուջուր ավտոճանապարհի 34 կմ հատվածում, դեռևս անհայտ հանգամանքներում, դուրս է եկել երթևեկելի գոտուց և մոտ 20 մետր գլորվելով՝ գլխիվայր հայտնվել ձորակին հարակից դաշտում։
Shamshyan-ի հաղորդմամբ՝ վթարի հետևանքով Արթուր Թ․-ն, ուղևորներ՝ Գեղարքունիքի մարզի բնակիչներ 57-ամյա Հարություն Ա․-ն և 43-ամյա Լիլիա Թ․-ն մարմնական վնասվածքներով տեղափոխվել են «Ճամբարակ» բժշկական կենտրոն։
Մինչ դեպքի վայր կժամաներ քննչական խումբը՝ հիվանդանոցից ահազանգ է ստացվում ոստիկանության Ճամբարակի բաժին, որ վարորդ Արթուր Թ․-ն շտապօգնության ավտոմեքենայով Երևանի «Երևան» բժշկական կենտրոն տեղափոխվելու ճանապարհին մահացել է։
Դեպքի փաստով քննչական բաժնում նախաձեռնվել է քրեական վարույթ։
Ավելին՝ սկզբնաղբյուրում։