Մալխաս Ամոյանը հաղթել է ադրբեջանցի ըմբիշին և դուրս եկել կիսաեզրափակիչ
Բուդապեշտում ընթանում է հունահռոմեական ոճի ըմբշամարտի Եվրոպայի առաջնությունը։ Այս մասին հայտնում են Armsport.am ից։
77 կգ քաշային կարգում Հայաստանը ներկայացնող Մալխաս Ամոյանը գերլարված պայքարում 6:5 հաշվով հաղթեց ադրբեջանցի ըմբիշին ու դուրս եկավ կիսաեզրափակիչ:
Մինչ այս Ամոյանը 5:1 հաշվով հաղթել էր սլովակ մրցակցին, իսկ դրանից առաջ, 2 րոպեից էլ քիչ ժամանակ օգտագործելով, 9:0 հաշվով հաղթանակի էր հասել մեկնարկային գոտեմարտում:
