Առաջին կարգի դրական (1+) արյուն է անհրաժեշտ վրաերթի ենթարկված 15-ամյա տղայի կյանքը փրկելու համար։ Այս մասին հայտնում է Երևանի ավագանու անդամ Աշոտ Սարգսյանը։

«Նրանք, ովքեր կարող են և կցանկանան օգտակար լինել ձագուկին, կարող են այցելել «Սուրբ Աստվածմայր» հիվանդանոց կամ զանգահարել նշված հեռախոսահամարով․ 093888171, Դավիթ»,-նշվում է գրառման մեջ։

Նշենք, որ փետրվարի 20-ին ավտովթար-վրաերթ է տեղի ունեցել Երևանում։ Ժամը 16։18-ի սահմաներում Մայրաքաղաքային փողոցում դեպի Երևան ընթանալիս Cadillac մակնիշի ավտոմեքենան բախվել է Opel մակնիշի ավտոմեքենային, վերջինիս վարորդը, չկարողանալով կառավարել ավտոմեքենան, վրաերթի է ենթարկել  անչափահաս տղա հետիոտնին, այնուհետև Opel-ը բախվել է կայանված Mercedes-ին և Ford Transit-ին։

 Վրաերթի ենթարկված երեխան շպրտվել է ու կպել շինության քարե հատվածին և ընկել ավտոմեքենայի վրա։ Վարորդը իր ավտոմեքենայով երեխային, որ գտնվելիս է եղել ծայրահեղ ծանր վիճակում, տեղափոխել է հիվանդանոց։