Բրիտանական իշխանությունները կարևոր քայլ են կատարել ևս 3 միլիարդ ֆունտ ստեռլինգ հատկացնելու ուղղությամբ՝ Ուկրաինային զենք մատակարարելու և երկրի հետպատերազմյան վերականգնման համար։ Բրիտանական Sky News-ը հաղորդել է, որ թագավորության գլխավոր գանձապետ Նադիմ Զահավին աջակցել է UKEF պետական գործակալության միջոցով ֆինանսների տրամադրմանը:
«Չափազանց կարևոր եմ համարում շարունակել աջակցել Ուկրաինայի իշխանություններին առկա բոլոր միջոցներով։ Մենք պետք է հավատ դրսևորենք Ուկրաինայի ապագայի նկատմամբ»,- ասել է Զահավին, որը ղեկավարում է Մեծ Բրիտանիայի բյուջետային քաղաքականությունը։
Հիմնական մասը՝ 2,3 միլիարդ ֆունտ ստեռլինգը, կուղղվի բրիտանական պաշտպանական արտահանման ֆինանսավորմանը Ուկրաինա, իսկ մնացած 700 միլիոն ֆունտ ստեռլինգի վարկերը կտրամադրվեն բրիտանական այն ընկերություններին, որոնց Ուկրաինան կհրավիրի երկիրը վերականգնելու։