Վերջին 2 օրերին ջրհեղեղի հետևանքով առնվազն 31 մարդ է զոհվել Հնդկաստանի հյուսիսարևելյան Ասամ և Մեգհալայա նահանգներում: NDTV հեռուստաալիքի հաղորդմամբ՝ սեզոնային տեղատարափ անձրևների հետևանքով գետերը վարարել են:

Վերոնշյալ երկու նահանգներում ջրածածկ է եղել մոտտ 3000 գյուղ: Չորեքշաբթի օրվանից երկրի հյուսիս-արևելքի մի շարք շրջաններում գրանցվել է ավելի քան 800 մմ տեղում:

Բնակչությանը կոչ են արել տներից դուրս գալ միայն խիստ անհրաժեշտության դեպքում: Ըստ կանխատեսումների՝ առաջիկա օրերին տեղումները կշարունակվեն: