123 կիլոգրամանոց տղամարդը կորցրել է իր քաշի մեկ երրորդը առանց վարժությունների կամ հատուկ դիետայի։ Նրա պատմությունը հրապարակել է Newsweek-ը։
Ամերիկացի Ջոշուա Ջենսոնն ասել է, որ որոշել է նիհարել 2021 թվականին կաթվածից հետո։
Նրա խոսքով՝ դեպի նիհարություն տանող իր ուղին սկսել է խիստ դիետա ու ռեժիմ սահմանելով։
Ջենսոնն ընդգծել է, որ չի հաշվում կալորիաները, չի օգտագործում առողջ սնվելու հատուկ հավելվածներ, չի զբաղվում սպորտով։ «Ես որոշեցի միս ուտել, այդ թվում՝ ձուկ, ծովախեցգետին, հավ և տավարի միս, թարմ բանջարեղեն և մրգեր: Առավոտյան ես ինձ թույլ տվեցի մի քիչ նարնջի հյութ»,- իր սննդակարգը նկարագրել է Ջենսոնը։
Երկու ամիս այս կերպ սնվելուց հետո տղամարդը նկատել է, որ իր համային նախասիրությունները փոխվել են․ այլևս չեն գրավում կոնֆետները, աղանդերը, թխվածքաբլիթները և արագ սնունդը։
«Հին սովորությունների հետ մեկտեղ ավելորդ կիլոգրամները սկսել են անհետանալ»,- ասել է նա՝ հավելելով, որ ամենատպավորիչը ուրիշների արձագանքն է իր նոր տեսքին։
Ջենսոնը վստահեցրել է, որ 40 կիլոգրամ նիհարելուց հետո լիովին գոհ է իր նոր ապրելակերպից և պատրաստ է հաջորդ փոփոխություններին։ Այժմ նա ցանկանում է մարզվել մկաններ կառուցելու համար: