Ռուսները միլիարդավոր ռուբլիներ են ծախսել 2023 թվականին՝ նվիրվելով էզոթերիկայի և սննդագիտության ուսումնասիրությանը։ Այս մասին է վկայել Tochka Bank-ի և GetCourse առցանց դասընթացների հարթակի ուսումնասիրությունը, գրել է «Իզվեստիան»:
Առցանց հարթակում ներկայացված 12 բաժիններից առաջատարն է «Մասնագիտություն»-ը, որի շրջանառությունը 2023 թվականի հոկտեմբերին կազմել է 2,5 միլիարդ ռուբլի (մոտ 27 միլիոն դոլար, 69 տոկոսով ավելի, քան նախորդ տարվա նույն ժամանակահատվածը): Թոփում են նաև «Առողջություն» և «Էզոթերիկա» բաժինները։
«Առողջություն» բաժնում ռուս բնակիչներն ամենից հաճախ նախընտրել են սովորել սննդի վերաբերյալ առցանց դասընթաց; հոկտեմբերին բաժնի շրջանառությունը կազմել է ավելի քան 1,3 միլիարդ ռուբլի (մոտ 14 միլիոն դոլար): Էզոթերիկայի բաժնում օգտատերերը նույն ժամանակահատվածում դասընթացների վրա ծախսել են 904 միլիոն ռուբլի (մոտ 10 միլիոն դոլար):
2022 թվականի համեմատ աճի ամենավառ դինամիկան ցույց է տվել «Հոգեբանություն» բաժինը։ 2023 թվականին այս կատեգորիայի առցանց դասընթացներից եկամուտն աճել է 100 տոկոսով: