Գերմանիայի նախկին կանցլեր Գերհարդ Շրյոդերը հոսպիտալացվել է։
Ավելի վաղ Գերհարդ Շրյոդերը առողջական պատճառներով չեղարկել էր իր մասնակցությունը Շվերինում քննչական հանձնաժողովի նիստին։ Այս հանդիպմանը նա պետք է ցուցմունք տար «Հյուսիսային հոսք 2» գազատարի շինարարությունն ուսումնասիրող քննչական կոմիտեում։
Լրատվամիջոցները գրել են, որ ըստ բժշկի՝ Շրյոդերը տառապում է «այրման համախտանիշով, որն ուղեկցվում է խորը հոգնածությամբ և էներգիայի խիստ պակասով»։ Բացի այդ, նա դժվարություններ է ունենում կենտրոնացման և հիշողության հետ, տառապում է անքնությունից։
Բժիշկը նշել է, որ նախկին կանցլերը «չի կարողացել դիմակայել քննչական հանձնաժողովի շրջանակներում հրապարակային երկարատև հարցաքննությունների հետ կապված ֆիզիկական և հոգեկան սթրեսին»։