Վլադիմիր Վարդանյանը դուրս է գրվել հիվանդանոցից
ԱԺ Պետական-իրավական հարցերի մշտական հանձնաժողովի նիստի ընթացքում այսօր ուժի կիրառմամբ վիճաբանություն է տեղի ունեցել հանձնաժողովի նախագահ Վլադիմիր Վարդանյանի և «Հայաստան» խմբակցության պատգամավոր Մհեր Սահակյանի միջև։
Վարդանյանը «Նաիրի» ԲԿ էր տեղափոխվել։
«Նաիրի» բժշկական կենտրոնի մամուլի խոսնակ Աննա Ղազարյանը MediaHub-ին հայտնեց, որ Վարդանյանը հիվանդանոց է տեղափոխվել դեմքի ձախ հոնքային շրջանի պատռված վերքով։
«Կատարվել է առաջնային վիրաբուժական մշակում և վերքի ամբողջականությունը վերականգնվել է ներմաշկային կոսմետիկ կարով։ Վիճակը կայուն բավարար է, վերջինս դուրս է գրվել հիվանդանոցից»,- տեղեկացրեց նա:
MediaHub-ի լրագրողը հայտնում է, որ Վարդանյանը վերադարձել է Ազգային ժողով:
Լիաննա Թորոսյան
