Բրիտանական զորքերը մասնակցել են Vigilant Knife (Զգոն դանակ) հրամանատարաշտաբային զորավարժություններին, որոնք անցկացվել են Շվեդիայի եւ Ֆինլանդիայի զինված ուժերի հետ համատեղ, տեղեկացրել է PA Media-ն։
Մեծ Բրիտանիայի պաշտպանության նախարարությունը հայտարարել է, որ զորավարժությունները նպաստում են «օպերատիվ համատեղելիության» ամրապնդմանը, քանի որ Շվեդիան եւ Ֆինլանդիան փորձում են անդամակցել ՆԱՏՕ-ին։
Հրամանատարաշտաբային զորավարժությունները սկսվել են Ֆինլանդիայի հյուսիսում, օգոստոսի 29-ին, եւ տեւել մինչեւ սեպտեմբերի 2-ը։
«Զգոն դանակ» զորավարժությունները լավ հնարավորություն է բրիտանական զորակազմի համար՝ զարգացնելու մարտական գործողություններ վարելու հմտությունները եւ փորձը սառը եղանակային պայմաններում, ինչը թույլ կտա նրանց՝ իրենց ֆինլանդացի եւ շվեդ գործընկերների հետ միասին, լինել ավելի արդյունավետ մարտադաշտում»,- ասել է Մեծ Բրիտանիայի պաշտպանության նախարար Բեն Ուոլեսը։