Արցախի թեմի առաջնորդը քննարկել է բռնահանված արցախցիների շուրջ ծառացած հարցերը
Ապրիլի 1-ին Արցախի թեմի առաջնորդ գերաշնորհ Տեր Վրթանես եպիսկոպոս Աբրահամյանը Արցախի թեմի գրասենյակում ընդունեց «Դանիական-հայկական բարեգործական առաքելության» ատենապետ Հայր Մայքլ Թոմսենին և կազմակերպության հոգաբարձուների խորհրդի անդամներին՝ ուղեկցությամբ գործադիր տնօրեն Արշավիր Գաբուճյանի: Հայտնում են Արցախի թեմից։
Հանդիպմանը Վրթանես Սրբազանը ներկայացրեց տեղահանված արցախցիների դիմագրաված դժվարությունները և այդ ուղղությամբ թեմի կատարած աշխատանքները տարբեր բնագավառներում: Սրբազանն իր գնահատանքը հայտնեց կազմակերպության պատասխանատուներին Արցախի թեմի հետ գործակցությամբ իրականացվող կրթական և սոցիալական ծրագրերի համար։
Հայր Մայքլ Թոմսենը, երախտագիտություն հայտնելով Սրբազան հորը՝ երկուստեք համագործակցության համար, վերահաստատեց իր անվերապահ աջակցությունը Արցախի թեմին՝ հատկապես արցախցի երեխաների հոգևոր դաստիարակության գործում:
