Ոստիկանությունը քրեական գործ է հարուցել Վոլգոգրադի գիշերային ակումբի դիջեյին դիտավորությամբ առողջությանը վնաս պատճառելու դեպքի առթիվ։ Այս մասին հայտնում է ՌԴ ՆԳՆ Վոլգոգրադի մարզի գլխավոր տնօրինության մամուլի ծառայությունը, փոխանցում է gazeta.ru-ն։
Տեղի 44-ամյա բնակիչը գիշերային ակումբում հարբած վիճակում ապակե շշով հարվածել է 28-ամյա դիջեյի գլխին։ Տուժողը դիմել է հիվանդանոց։ Դատաբժշկական փորձաքննության եզրակացության համաձայն՝ վնասվածքները որակվել են որպես թեթեւ մարմնական վնասվածքներ։ Ավելի ուշ հարձակվողը խոստովանել է իր արարքը և հայտարարել, որ իրեն դուր չի գալիս այն երաժշտությունը, որը տուժողը միացրել է գիշերային ակումբի սրահում։ Քննություն է տարվում՝ դիտավորությամբ, թեթև մարմնական վնասվածք հասցնելու փաստի առթիվ, որը կատարվել է խուլիգանական դրդումներով։