Ամերիկյան ծոցը «Google Maps»-ում կհայտնվի ԱՄՆ աշխարհագրական անունների տեղեկատվական համակարգում համապատասխան թարմացումներից հետո, հայտարարել է Google-ն X-ի իր էջում:
«Մենք մի քանի հարցում ենք ստացել «Google Maps»-ում անվանակոչման վերաբերյալ: Մենք ունենք վաղեմի պրակտիկա՝ անունների մեջ փոփոխություններ անել այն բանից հետո, երբ դրանք թարմացվեն պետական պաշտոնական աղբյուրներում», - ասված է հայտարարության մեջ։
Հունվարի 25-ին ԱՄՆ նախագահ Դոնալդ Թրամփը Մեքսիկական ծոցը վերանվանել էր Ամերիկյան ծոցի։ Reuters-ն ավելի վաղ նշել էր, որ Մեքսիկական ծոցի անվան փոփոխությունը կարող է միջազգայնորեն չճանաչվել։