«Հայաստան» խմբակցության պատգամավորներ Գառնիկ Դանիելյանը ֆեյսբուքյան էջում գրում է․
«Սիրելի հայրենակիցներ, իմ հրապարակումներում պարբերաբար անդրադառնում եմ ՊՆ նախկին շենքի բնակիչների խնդրին։
Ինչպես տեղյակ եք, մենք, որպես նվազագույն պահանջ, առաջարկել էինք ոստիկանությանը 2-րդ վրան տեղադրելու թույլտվություն տալ։
Քիչ առաջ տեղեկացա, որ մեր համառ ջանքերն իրենց արդյունքը տվել են․ բնակիչները կարողացել են տեղադրել 2-րդ վրանը։
Ցավոք տեղեկացա նաև, որ մանկահասակ 2 երեխա հոսպիտալացվել է։
Իշխանությունը և իրավասու անձինք այս երեխաների առողջության և դրսում գիշերող մարդկանց առողջության վատթարացման բոլոր հետևանքների պատասխանատուն են։
Շարունակելու եմ այցելել և հետևողական լինել, որպեսզի մեր հայրենակիցների իրավունքները ի վերջո պաշտպանվեն, և խնդիրը հանգուցալուծվի հօգուտ բնակիչների»։