Մոսկվան պատրաստ է կազմակերպել Հայաստանի և Ադրբեջանի արտգործնախարարների հանդիպում. այդ մասին հայտնել է Մարիա Զախարովան:
ՌԴ ԱԳՆ հատուկ ներկայացուցիչ Իգոր Խովաևի Հայաստան և Ադրբեջան կատարած այցերի ընթացքում Երևանն ու Բաքուն հաստատել են իրենց շահագրգռվածությունը խաղաղության համաձայնագրի կնքման հարցում՝ Ռուսաստանի միջնորդությամբ. այդ մասին այսօր կայացած ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Նա օգտակար է համարել Խովաևի այցը երկու երկրների մայրաքաղաքներ և վերահաստատել երեք երկրների արտգործնախարարների եռակողմ հանդիպում կազմակերպելու Մոսկվայի պատրաստակամությունը։
Զախարովան նաև հայտնել է, որ Լավրովը ծրագրում է փետրվարի վերջին այցելել Ադրբեջան: