Ավստրալիական RMIT համալսարանի հետազոտղները հավելում են ստեղծել ասֆալտի խառնուրդի համար, որի շնորհիվ այն ավելի երկար պաշտպանված կլինի ուլտրամանուշակագույն ճառագայթներից եւ արեւից տաքանալուց:

Ավստրալիական շոգ կլիմայի պայմաններում այդ խնդիրը բավականին արդիական է: Բացի այդ, այնտեղ, ինչպես եւ աշխարհի այլ վայրերում հին անվադողերի ոչնչացման խնդիր կա: Գիտնականներն առաջարկել են մանրացնել դրանք՝ վերածելով ռետինե փշուրների եւ ավելացնել ասֆալտին, գրում է «Տեխկուլտը»:  

Այս միտքը ծագել է մեկ այլ փորձի արդյունքում, որի ժամանակ ռետինե փշուրների հավելումը մեծացրել է բետոնի ջերմակայունությունը:

Գիտնականները պարզել են, որ որքան բարձր է փշուրների կոնցենտրացիան ասֆալտում, այնքան ավելի լավ է այն դիմակայում տաքացմանը: