Ադրբեջանն ու Ուկրաինան ճանաչում և աջակցում են միմյանց ինքնիշխանությունն ու տարածքային ամբողջականությունը․ այս մասին ասված է Ադրբեջանի ԱԳՆ հայտարարության մեջ։
«Ելնելով դրանից՝ Ադրբեջանը հայտարարում է, որ Ուկրաինայի տարածքում անցկացվող ցանկացած ընտրություն՝ այս պետության Սահմանադրությանը և օրենսդրությանը համապատասխան, կարող է լեգիտիմ լինել։
Ադրբեջանի այս սկզբունքային դիրքորոշումը հիմնված է միջազգային իրավունքի ընդհանուր ճանաչված նորմերի և սկզբունքների վրա։ Քանի որ Ուկրաինայի միջազգայնորեն ճանաչված տարածքի մի մասում անցկացված վերջին «ընտրությունները» չեն համապատասխանում այս չափանիշներին, դրանք իրավական ուժ չունեն»,- ասվում է հայտարարության մեջ։
Նշենք, որ Ադրբեջանի և Թուրքիայի արտաքին գործերի նախարարությունները հանդես էին եկել հայտարարությամբ, որ չեն ճանաչում Արցախում այսօր տեղի ունեցած նախագահական ընտրությունների արդյունքները։
Հիշեցնենք նաև, որ օրեր առաջ վարչապետի տիկին Աննա Հակոբյանը գտնվում էր Ուկրաինայում, որտեղ մասնակցում էր առաջին տիկնանց և ամուսինների ամենամյա գագաթնաժողովին։